நிஜமான கற்பனை...

எத்தனையோ பேர்
வந்துபோகையிலும் தங்கிப்போகையிலும்
அமைதியாய் இருந்த என் இல்லம்...


நான் தனிமையில் இருக்கையில் மட்டும்
என்றோ நீ என்னுடன் இருந்த
காட்சிகளை எல்லாம்
கண்முன்னே அரங்கேற்றுகிறது !


என் அறைகள் முழுவதும்
நிறையும் உன் வாசத்தை
நினைவுகளில் சுமந்தபடியே
அமைதியாய் அமர்ந்திருக்கிறேன்
அசைவுகள் ஏதுமின்றி...


அடிக்கடி எனக்குமட்டும்
கேட்கின்ற உன் சிரிப்பு சத்தங்களும்
நீ அன்போடு என்னை அழைக்கின்ற
அந்த சத்தமும்
இப்பொழுதெல்லாம் எனக்கு பழகிவிட்டது !


ஒருவேளை நீ நிஜத்தில்
என்முன் வந்து நின்றாலும்
பேசினாலும்கூட
இதுவும் கற்பனை என்று
நான் உன்னைக் கடந்துபோகக்கூடும்
எச்சரிக்கையாய் இரு...